ಪಟ್ಲ ಸತೀಶ್ ಶೆಟ್ಟಿಯವರಿಗೆ ಡಾ| ಎಚ್‌. ಶಾಂತಾರಾಮ್‌ ಯಕ್ಷಗಾನ ಪುರಸ್ಕಾರ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಶುಕ್ರವಾರ, ನವ೦ಬರ್ 1 , 2013
|
|
ನವ೦ಬರ್ 1 , 2013
|
ಪಟ್ಲ ಸತೀಶ್ ಶೆಟ್ಟಿಯವರಿಗೆ ಡಾ| ಎಚ್‌. ಶಾಂತಾರಾಮ್‌ ಯಕ್ಷಗಾನ ಪುರಸ್ಕಾರ
ಕುಂದಾಪುರ :
ಕಳೆದ 37 ವರ್ಷಗಳಿಂದ ಕಾಲೇಜಿನಲ್ಲಿ ರಾಜ್ಯೋತ್ಸವ ತಾಳಮದ್ದಲೆ ನಡೆಸಿಕೊಂಡು ಬರುತ್ತಿದ್ದು, ಇಲ್ಲಿ ಹಲವಾರು ಮಂದಿ ಕಲಾವಿದರು ತಮ್ಮ ಪ್ರೌಢಿಮೆ ತೋರಿಸಿದ್ದಾರೆ. ಇದೊಂದು ಸ್ಮರಣೀಯ ಕಾರ್ಯಕ್ರಮ. ಈ ಸಂದರ್ಭ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ಯುವ ಕಲಾವಿದರಿಗೆ ಪುರಸ್ಕಾರ ನೀಡಲಾಗುತ್ತಿದೆ ಎಂದು ಮಣಿಪಾಲ ಅಕಾಡೆಮಿ ಆಫ್‌ ಜನರಲ್‌ ಎಜ್ಯುಕೇಶನ್‌ ಆಡಳಿತಾಧಿಕಾರಿ ಡಾ| ಎಚ್‌. ಶಾಂತಾರಾಮ್‌ ಹೇಳಿದರು.
|
|
ತೆಂಕುತಿಟ್ಟಿನ ಸತೀಶ್ ಶೆಟ್ಟಿ ಅವರಿಗೆ ಡಾ| ಎಚ್‌. ಶಾಂತರಾಮ್‌ ಯಕ್ಷಗಾನ ಪುರಸ್ಕಾರ ಪ್ರದಾನ ಮಾಡಿದರು.
|
ಅವರು ಇಲ್ಲಿನ ಭಂಡಾರ್‌ಕಾರ್ಸ್‌ ಕಾಲೇಜಿನಲ್ಲಿ 38ನೇ ವರ್ಷದ ಕನ್ನಡ ರಾಜ್ಯೋತ್ಸವ ತಾಳಮದ್ದಳೆ ಹಾಗೂ ಡಾ| ಎಚ್‌. ಶಾಂತಾರಾಮ್‌ ಯಕ್ಷಗಾನ ಪುರಸ್ಕಾರ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ತೆಂಕುತಿಟ್ಟಿನ ಯುವ ಭಾಗವತ ಪಟ್ಲ ಸತೀಶ್ ಶೆಟ್ಟಿ ಅವರಿಗೆ ಡಾ| ಎಚ್‌. ಶಾಂತರಾಮ್‌ ಯಕ್ಷಗಾನ ಪುರಸ್ಕಾರ ಪ್ರದಾನ ಮಾಡಿದರು.
ಪುರಸ್ಕಾರಕ್ಕೆ ಪ್ರತಿಕ್ರಿಯಿಸಿದ ಸತೀಶ್ ಶೆಟ್ಟಿ, ಇದೊಂದು ವಿಶಿಷ್ಟ ಪುರಸ್ಕಾರ. ಯುವ ಕಲಾವಿದರಿಗೆ ಇಂತಹ ಪುರಸ್ಕಾರ, ಸಮ್ಮಾನ ಸಿಗುವುದರಿಂದ ಸಮಾಜದಲ್ಲಿ ಯಕ್ಷಗಾನಕ್ಕೆ ಯುವಜನತೆಯನ್ನು ಆಕರ್ಷಿಸಲು ಸಾಧ್ಯ. ಕಾಳಿಂಗ ನಾವಡ ಮೇರು ಪ್ರತಿಭೆಯ ಕಲಾವಿದರು. ಆ ಕಲಾವಿದನ ಮಟ್ಟಕ್ಕೆ ತನ್ನನ್ನು ಹೋಲಿಸುವುದು ಸರಿಯಲ್ಲ ಎಂದರು.
ಯಕ್ಷಗಾನ ಪ್ರಸಂಗಕರ್ತ ಕಂದಾವರ ರಘುರಾಮ ಶೆಟ್ಟಿ ಅಭಿನಂದನಾ ಭಾಷಣ ಮಾಡಿದರು. ಪದವಿ ಕಾಲೇಜಿನ ಪ್ರಾಂಶುಪಾಲ ನಾರಾಯಣ ಶೆಟ್ಟಿ ಸ್ವಾಗತಿಸಿದರು. ರಮೇಶ್‌ ಚಿಂಬಾಳ್ಕರ್‌ ಕಾರ್ಯಕ್ರಮ ನಿರ್ವಹಿಸಿದರು. ಪ.ಪೂ. ಕಾಲೇಜಿನ ಪ್ರಾಂಶುಪಾಲ ಜಿ.ಎಂ. ಗೊಂಡ ವಂದಿಸಿದರು.
ಕೃಪೆ : http://www.udayavani.com/
|
|
|
